Studentja Kaltrina Krasniqi, realizon një semestër studimesh në NLA University College, në Bergen të Norvegjisë

Kaltrina Krasniqi, studente në Departamentin e Gazetarisë, ka realizuar një semestër studimesh në NLA University College, në Bergen të Norvegjisë, në kuadër të programit Erasmus+.

Gjatë qëndrimit në këtë institucion, Kaltrina ka pasur mundësinë të përfitojë nga një mjedis i avancuar akademik, të zgjerojë perspektivën e saj ndërkombëtare dhe të krijojë kontakte të reja, duke përjetuar nga afër një kulturë dhe sistem të ri studimi.

Në kuadër të programit Erasmus+, edhe shumë studentë të tjerë të Departamentit të Gazetarisë do të kenë mundësinë të zhvillojnë mobilitete dhe të ndjekin studimet në universitete të ndryshme ndërkombëtare gjatë këtij viti akademik.