Nxënësit shqiptarë përbëjnë shumicën e nxënësve në shkollat fillore në Komunën e Butelit, sipas të dhënave zyrtare të Entit Shtetëror të Statistikës, njofton agjencia e lajmeve INA.
Sipas të dhënave për vitin shkollor 2024/2025, nga gjithsej 5.276 nxënës që kanë ndjekur mësimin në shkollat fillore të kësaj komune, 2.971 janë shqiptarë, që përbën 56,31 për qind të numrit të përgjithshëm të nxënësve.
Të dhënat janë bërë publike nga Faruk Nevzati, i cili thekson se numri i nxënësve shqiptarë e pozicionon komunitetin shqiptar në vendin e parë për nga numri i nxënësve në shkollat fillore të Komunës së Butelit.
“𝐒𝐢𝐩𝐚𝐬 𝐄𝐧𝐭𝐢𝐭 𝐒𝐡𝐭𝐞𝐭ë𝐫𝐨𝐫ë 𝐩ë𝐫 𝐒𝐭𝐚𝐭𝐢𝐬𝐭𝐢𝐤ë 𝟑𝟑.𝟒𝟓% 𝐭ë 𝐧𝐱ë𝐧ë𝐬𝐚𝐯𝐞 𝐧𝐞 𝐒𝐡𝐤𝐨𝐥𝐥𝐚𝐭 𝐅𝐢𝐥𝐥𝐨𝐫𝐞 𝐭ë 𝐐𝐲𝐭𝐞𝐭 𝐭ë 𝐒𝐡𝐤𝐮𝐩𝐢𝐭, 𝐣𝐚𝐧ë 𝐒𝐇𝐐𝐈𝐏𝐓𝐀𝐑Ë!
Përqindja e numrit të nxënësve shqiptarë në shkollat fillore edhe në nivel të Qytetit të Shkupit nëse krahasohet me numrat e përgjithshëm të Regjistrimit të vitit 2021 është shumë më e lartë se sa përqindja e shqiptarëve në Qytetin e Shkupit ku sipas të dhënave zyrtarë nga Regjistrimi i fundit i popullatës të vitit 𝟐𝟎𝟐𝟏 nga 𝟓𝟔𝟎𝟗𝟗𝟖 banorë sa ka zyrtarisht Qyteti i Shkupit, 𝟏𝟑𝟔𝟒𝟕𝟖 (ose 𝟐𝟒.𝟑𝟑%) janë me përkatësi etnike shqiptar.
Pra kur flasim për numrin e përgjitshëm të filloristëve në nivel të Qytetit të Shkupit, sipas të dhënave zyrtare të publikuara në UEB faqen e Entit shtetërorë për statistikë nga gjithsej 𝟓𝟕𝟗𝟐𝟓 nxënës që kanë mësuar në Shkollat Fillore të Qytetit të Shkupit në vitin shkollorë 𝟐𝟎𝟐𝟒-𝟐𝟎𝟐𝟓, procesin edukativo-arsimorë në gjuhën shqipe e kanë zhvilluar 𝟏𝟗𝟑𝟕𝟓 nxënës (ose 𝟑𝟑.𝟒𝟓%) të përkatësisë etnike shqiptare.
Kjo tregon se për dallim nga gjitha etnitë tjera që kan rënie të dukshme të nxënësve në krahasim me numrin e përgjithshëm të popullatës së tyre, përqindja e filloristëve shqiptarë në nivel të Qytetit të Shkupit është gati 𝟏𝟎% më e lartë se sa përqindja e shqiptarëve (rezident dhe jorezident) në Qytetin e Shkupit.”, është shprehur Nevzati. (INA)
Më poshtë të dhënat zyrtare nga Enti shtetëtorë për statistikë për numrin e nxenësve shqiptarë në Qytetin e Shkupit:
