Shkolla “Hasan Prishtina” Milloshevë ka zgjedhur Kryesinë e Këshillit të Nxënësve për vitin shkollor 2026/2027.
Era Thaçi është zgjedhur kryetare e Këshillit të Nxënësve.
Njoftimi i shkollës:
·
Zgjedhja e Kryesisë së Këshillit të Nxënësve për vitin shkollor 2026/2027
Sot, në SHFMU “Hasan Prishtina” në Milloshevë, u zhvillua takimi për zgjedhjen e Kryesisë së Këshillit të Nxënësve për vitin shkollor 2026/2027.
Takimin e hapi zëvendësdrejtori i shkollës, Driton Raçi, i cili përshëndeti të pranishmit dhe udhëhoqi procesin zgjedhor.
Në takim morën pjesë përfaqësuesit e klasave VI, VII, VIII dhe IX, si dhe psikologia e shkollës, MSc. Miranda Thaçi Gashi.
Në fillim të takimit u prezantuan procedurat e zgjedhjes, roli dhe përgjegjësitë e Këshillit të Nxënësve, në përputhje me Udhëzimin Administrativ (MASHT) Nr. 04/2021 për themelimin dhe funksionalizimin e Këshillit të Nxënësve.
Pas prezantimit të procedurave, filloi procesi i votimit të fshehtë për zgjedhjen e Kryesisë së Këshillit të Nxënësve.
Pas përfundimit të procesit zgjedhor, Kryesia e re për vitin shkollor 2026/2027 u zgjodh me këtë përbërje:
🔹 Era Thaçi – Kryetare e Këshillit të Nxënësve
🔹 Poema Thaçi – Nënkryetare e parë
🔹 Diar Miftari – Nënkryetar i dytë
Në përfundim të takimit, zëvendësdrejtori dhe psikologia e shkollës falënderuan Kryesinë e deritanishme për angazhimin dhe punën e bërë, ndërsa Kryesisë së re i uruan shëndet, suksese dhe përkushtim në realizimin e aktiviteteve dhe objektivave të Këshillit të Nxënësve.
Urime dhe shumë suksese Kryesisë së re të Këshillit të Nxënësve!
