Hapen regjistrimet për programin “Pas Shkolle”, nxënësit mund të zgjedhin deri në dy klube
Ministria e Arsimit ka njoftuar se janë hapur regjistrimet për programin “Pas Shkolle”, i cili u ofron nxënësve mundësi për të zhvilluar aftësi dhe talente të reja përmes aktiviteteve jashtëmësimore.
Sipas njoftimit të Ministrisë, prindërit mund t’i regjistrojnë fëmijët e tyre përmes SMIP-it deri më 25 shtator.
Në kuadër të programit, nxënësit kanë mundësi të përzgjedhin deri në dy klube, në varësi të interesave dhe prirjeve të tyre. Aktivitetet e ofruara përfshijnë:
🎵 Muzikë
💃 Kërcim
🎭 Teatër
🎨 Art pamor
🧵 Zeje
Ministria thekson se aktivitetet e “Pas Shkolle” synojnë të plotësojnë përvojën e nxënësve në shkollë, duke krijuar hapësirë për zhvillimin e talenteve dhe aftësive të reja.
Programi parashikon gjithashtu që aktivitetet e klubeve të zhvillohen krahas përfundimit të detyrave të shtëpisë, duke u ofruar fëmijëve një angazhim të strukturuar pas përfundimit të mësimit.
Afati për regjistrim përmes SMIP-it është 25 shtatori.
