Pensionohet profesori Fadil Berisha nga Suhareka, pas 40 vitesh kontribut në arsim

Gjimnazi “Jeta e Re” në Suharekë ka njoftuar se profesori i Edukatës Fizike, Fadil Berisha, është pensionuar pas 40 vitesh kontribut në arsim, shkruan AlbanianEducation.net.

Njoftimi i plotë:

Pas mbi 40 vitesh pune dhe përkushtimi në arsim, profesori i Edukatës Fizike, Fadil Berisha, u pensionua, duke përmbyllur një kapitull të rëndësishëm të jetës së tij profesionale.

Në emër të Drejtorisë, mësimdhënësve dhe nxënësve të shkollës, e falënderojmë për kontributin e dhënë ndër vite në edukimin e shumë brezave. I urojmë shëndet, mbarësi dhe shumë gëzime në këtë etapë të re të jetës.

Faleminderit, profesor Fadil Berisha, për gjithçka që i keni dhënë arsimit dhe shkollës tonë.