Nxënësja e talentuar nga Gjilani, Aulona Demolli, ka shënuar një tjetër sukses të jashtëzakonshëm në arenën ndërkombëtare, duke fituar tri vlerësime në NEO Science Olympiad, e mbajtur në New York të Shteteve të Bashkuara të Amerikës, shkruan AlbanianEducation.net.
Aulona u dallua mes pjesëmarrësve nga vende të ndryshme të botës, duke arritur këto rezultate të shkëlqyera:
🥇 Medalje e Artë (Gold Medal) në AI Prompt Engineering Challenge;
🥉 Medalje e Bronztë (Bronze Medal) në Biologji;
🎖️ Honorable Mention në Kimi.
Ky sukses i radhës konfirmon potencialin dhe përkushtimin e Aulonës, e cila tashmë është bërë emër i njohur në garat dhe olimpiadat më prestigjioze shkencore ndërkombëtare. Me pjesëmarrjet dhe rezultatet e saj të vazhdueshme, ajo po dëshmon nivel të lartë të njohurive dhe aftësive në fusha të ndryshme të shkencës.
Përmes këtyre arritjeve, Aulona Demolli po e përfaqëson Kosovën me dinjitet në skenën botërore, duke u renditur mes nxënësve më të spikatur në gara ndërkombëtare dhe duke promovuar vlerat e të rinjve kosovarë në nivel global.
Suksesi i saj është një burim frymëzimi për bashkëmoshatarët dhe një dëshmi se talenti, puna dhe përkushtimi mund të çojnë drejt rezultateve të jashtëzakonshme në arenën ndërkombëtare.
