Një tjetër sukses i të rinjve nga Kosova në arenën ndërkombëtare të shkencës është shënuar nga Noar Krasniqi, i cili ka prezantuar punën dhe njohuritë e tij në CERN, Organizatën Evropiane për Kërkime Bërthamore, një prej institucioneve më prestigjioze në botë në fushën e fizikës së grimcave, shkruan AlbanianEducation.net
Gjatë prezantimit në CERN, Krasniqi ka tërhequr vëmendjen e shkencëtarëve dhe ekspertëve ndërkombëtarë me përgatitjen dhe njohuritë e tij shkencore.
Sipas informacioneve të bëra publike, Noar Krasniqi është përgëzuar për nivelin e tij të përgatitjes, ndërsa nga CERN i është bërë edhe një ftesë zyrtare për t’u rikthyer në të ardhmen dhe për të qenë pjesë e projekteve apo aktiviteteve shkencore të institucionit.
Ky vlerësim përbën një arritje të rëndësishme për Krasniqin dhe një dëshmi të potencialit që të rinjtë nga Kosova mund të shfaqin në skenën ndërkombëtare të shkencës.
Pjesëmarrja dhe vlerësimi në një institucion me përmasa dhe reputacion ndërkombëtar si CERN paraqet një mundësi të rëndësishme për zhvillimin e mëtejshëm të karrierës së tij shkencore dhe një motivim për gjeneratat e reja që synojnë të merren me shkencë dhe kërkim.
