Njihuni me Shkollën Fillore “Migjeni” në Baicë dhe drejtorin e saj, Misin Leku, një prej drejtuesve më të përkushtuar në Komunën e Drenasit.
Rregulli, pastërtia, mirëmbajtja, suksesi i nxënësve dhe menaxhimi i mirë e bëjnë këtë shkollë një shembull dhe, për shumëkënd, shkollën numër një në Komunën e Drenasit.
Shkolla Fillore “Migjeni” në Baicë nuk ka qenë vetëm një institucion i arsimit dhe edukimit. Në këtë shkollë janë zhvilluar edhe ngjarje të rëndësishme historike.
Gjatë luftës së fundit në Kosovë, ajo ishte ndër shtabet e para të Ushtrisë Çlirimtare të Kosovës në Zonën Operative të Drenicës.
Sot, SHFMU „Migjeni“ vazhdon të jetë një shkollë që dëshmon se me punë, përkushtim dhe menaxhim të mirë mund të krijohet një ambient ku nxënësit mësojnë, zhvillohen dhe arrijnë suksese. / Marrë nga Drenica Sot
