Talentja e re, Buna Talla, po shënon rezultate në garat e matematikës dhe po krijon mundësi për të vijuar garimin edhe në arenën ndërkombëtare.
Buna ka arritur të marrë vendin e tretë në një garë online, rezultat që i ka hapur mundësinë për të vazhduar më tej garën në vende si Shtetet e Bashkuara të Amerikës, Londra apo Dubai.
Për suksesin dhe përvojën e saj në garat e matematikës, Buna Talla ka folur në emisionin “Për Ju, Fëmijë” në Radio Kosova 1, ku ka ndarë edhe emocionet e saj për këtë arritje.
“Ka qenë e pabesueshme”, është shprehur ajo, duke rrëfyer përvojën e saj dhe rrugëtimin në garat ku ka marrë pjesë.
Buna është gjithashtu pjesë e garave të IQ Challenge dhe ka mbledhur disa certifikata për pjesëmarrjet dhe rezultatet e saj.
Rrëfimin e plotë të Buna Tallës mund ta ndiqni në emisionin “Për Ju, Fëmijë” të Radio Kosova 1.
