Ministrja e Arsimit me njoftim të rëndësishëm për mësimdhënësit

Ministrja e Arsimit në Shqipëri, Mirela Kumbaro Furxhi ka ndarë një informacion të rëndësishëm për mësuesit dhe drejtuesit e arsimit parauniversitar, shkruan AlbanianEducation.net.

Ajo ka njoftuar se Agjencia e Sigurimit të Cilësisë së Arsimit Parauniversitar ka publikuar paketën e re të moduleve kurrikulare në kuadër të zbatimit të kurrikulës së përditësuar!

Kjo paketë është një udhërrëfyes dhe mbështetje konkrete për planifikimin dhe zhvillimin e kurrikulës në bazë shkolle, duke synuar zhvillimin e kompetencave kyçe të nxënësve tanë.

Agjencia e Sigurimit të Cilësisë së Arsimit Parauniversitar ka publikuar paketën e re të moduleve kurrikulare në kuadër të zbatimit të kurrikulës së përditësuar!

Kjo paketë është një udhërrëfyes dhe mbështetje konkrete për planifikimin dhe zhvillimin e kurrikulës në bazë shkolle, duke synuar zhvillimin e kompetencave kyçe të nxënësve tanë.

Për cilat klasa janë hartuar modulet?

Klasa 1 & 6 Për kurrikulën në bazë shkolle.

Klasa 10 Për kurrikulën në bazë shkolle ose me zgjedhje.

SI T’I AKSESONI MATERIALET?

Në faqen zyrtare të ASCAP: https://www.ascap.edu.al/kurrikula-e-perditesuar-2025/

Hapat për t’i gjetur në faqen e ASCAP:

Klikoni te filtri “Lloji i dokumentit”

Përzgjidhni opsionin “Module kurrikulare”

Përzgjidhni klasën përkatëse (1, 6 ose 10)

Për të lehtësuar zbatimin e këtyre moduleve, specialistët e Agjencia e Sigurimit të Cilësisë së Arsimit Parauniversitar do të zhvillojnë trajnime të dedikuara me drejtuesit e rrjeteve profesionale, të cilët më pas do të mbështesin mësuesit hap pas hapi në klasat e tyre.