Mësimdhënësja Bukurije Kameri dhuron 170 libra për bibliotekën e shkollës “Mitrush Kuteli” në Prishtinë

Një kontribut i veçantë është bërë në prag të fillimit të vitit të ri shkollor në SHFMU “Mitrush Kuteli” në Prishtinë.

Mësimdhënësja Bukurije Kameri ka pasuruar bibliotekën e shkollës me 170 libra nga autorë të ndryshëm, duke kontribuar në zgjerimin e fondit bibliotekar dhe krijimin e më shumë mundësive për nxënësit që të kenë qasje në libra.

Ky donacion vlerësohet si një nismë që mund të ndikojë në kultivimin e kulturës së leximit dhe në nxitjen e interesimit të nxënësve për librin.

Nga shkolla kanë shprehur mirënjohje për mësimdhënësen Kameri, duke e cilësuar dhurimin si një gjest të çmuar dhe kontribut në mbështetje të nxënësve dhe procesit arsimor.