Në prag të fillimit të vitit të ri shkollor 2026/2027, në fshatin Vidimriq është realizuar një nismë e veçantë për nxënësit.
Hoxha i fshatit, Kastriot Behrami, ka bërë të ditur se 36 nxënës, përfshirë edhe nxënësit e mësim-besimit në xhaminë e fshatit, janë pajisur me fletore, lapsa, ngjyra dhe mjete të tjera shkollore.
Në shpërndarjen e materialeve ishte e pranishme edhe mësuesja dhe koordinatorja e shkollës së Vidimriqit, Nedime Jashari Latifi, të cilën organizatorët e kanë falënderuar për kontributin dhe prezencën e saj.
Sipas Behramit, kostoja e përgjithshme e materialeve shkollore ka arritur në 638 euro, ndërsa projekti është mundësuar falë kontributit të mërgimtarëve nga Vidimriqi
“Zoti i shpërbleftë me të mira!”, ka shkruar Behrami, duke shprehur mirënjohje për të gjithë kontribuesit
