Zyrtari i Aleancës, Dardan Krasniqi, ka kritikuar qeverisjen e udhëhequr nga kryeministri Albin Kurti, duke e akuzuar për, siç tha ai, mungesë të punës dhe angazhimit në sektorin e arsimit.
“Po vjen 1 shtatori, po fillon mësimi – gjendja në arsim është e tmerrshme”, deklaroi Krasniqi në emisionin “Kosova Today” në Klan Kosova, shkruan AlbanianEducation.net.
Ai ngriti shqetësime lidhur me situatën në arsim në prag të fillimit të vitit të ri shkollor, duke vlerësuar se institucionet përgjegjëse nuk kanë bërë sa duhet për përmirësimin e gjendjes.
Deklaratat e Krasniqit vijnë në prag të rikthimit të mijëra nxënësve në bankat shkollore.
Krasniqi, ndërkaq, nuk kurseu kritikat ndaj qeverisë Kurti, duke e cilësuar punën e saj në këtë fushë por edhe në tjerat si të pamjaftueshme.
