Gjimnazi “Asim Vokshi” në Bajram Curr shënon një tjetër sukses të maturës së vitit 2026, me nxënësen Kejsi Kataroshi, e cila e përmbylli arsimin e mesëm me notë mesatare 10.00 dhe rezultate të larta në Provimet e Maturës Shtetërore.
Pas përfundimit të gjimnazit, Kataroshi ka zgjedhur të vazhdojë studimet universitare në Londër, në Universitetin e Greenwich-ut, në programin e Shkencave Kompjuterike. Ajo është pranuar në këtë universitet dhe ka përfituar 50 për qind bursë studimi, falë rezultateve të saj të larta akademike dhe njohjes së gjuhës angleze.
Sipas Gjimnazit “Asim Vokshi”, gjatë viteve të shkollimit Kataroshi është dalluar për përkushtim, punë sistematike dhe pjesëmarrje aktive në procesin mësimor, ndërsa ka qenë e angazhuar edhe në aktivitete të ndryshme shkollore, përfshirë konkurse dhe prezantime.
Shkolla e përshkruan atë si një nxënëse me sjellje shembullore, kulturë qytetare dhe aftësi të mira komunikuese, duke vlerësuar përkushtimin dhe këmbënguljen e saj në arritjen e rezultateve.
Ky sukses vjen në një vit kur Gjimnazi “Asim Vokshi” është dalluar edhe me arritjen e maturantes Ejsi Dushaj, e cila po ashtu përfundoi shkollimin me rezultate të shkëlqyera dhe ka zgjedhur të ndjekë studimet në Fakultetin e Mjekësisë.
Me këto rezultate, dy maturantet po e përfaqësojnë me sukses Gjimnazin “Asim Vokshi”, duke nisur rrugëtimin e tyre drejt studimeve universitare dhe një të ardhmeje profesionale
