Imer Mushkolaj: Qysh po dalim keq në PISA, kur librezat e nxënësve krejt pesëshe

Analisti Imer Mushkolaj ka ngritur pikëpyetje lidhur me dallimin mes notave të nxënësve në shkolla dhe rezultateve të Kosovës në testin ndërkombëtar PISA.

Ai përmes një postimi, ka ironizuar situatën, duke vënë në pah faktin se, pavarësisht notave të larta që marrin nxënësit në shkolla, rezultatet në vlerësimet ndërkombëtare vazhdojnë të jenë të dobëta.

“Qysh po dalim keq n’PISA, kur librezat e nxënësve krejt pesëshe? S’di, s’di”, ka shkruar Mushkolaj.

Rezultatet e PISA-s matin aftësitë e 15-vjeçarëve në fusha si leximi, matematika dhe shkencat, duke vlerësuar jo vetëm njohuritë e fituara, por edhe aftësinë për t’i zbatuar ato në situata të ndryshme.