“Gati për një tjetër fillim…” është mesazhi i drejtorit të shkollës “Emin Duraku” në Prishtinë, Visar Osmani, në prag të fillimit të vitit të ri shkollor, shkruan AlbanianEducation.net.
Ai përmes një postimi në rrjetet sociale, ka përcjellë një mesazh motivues për nxënësit, duke theksuar se shkolla është e gatshme të mirëpresë zërat, hapat dhe ëndrrat e tyre.
“Më e mira në Kosovë po i pret zërat, hapat dhe ëndrrat e nxënësve tanë! ❤️”, ka shkruar drejtori Osmani, duke shprehur entuziazmin për rikthimin e nxënësve në bankat shkollore.
Mesazhi vjen në prag të një kapitulli të ri për nxënësit dhe mësimdhënësit e shkollës “Emin Duraku”, por dhe krejt Kosovës, me theks te përkushtimi, puna dhe krijimi i një ambienti sa më të mirë për edukimin dhe zhvillimin e brezave të rinj.
