GAP nxjerr shifrat për Gjakovën: 290 mësimdhënës nuk mbulohen nga granti

Komuna e Gjakovës ka paraqitur 1,541 mësimdhënës për buxhetimin e vitit 2026, ndërsa për financim janë aprovuar 1,251.

Diferenca është 290 mësimdhënës, apo rreth 18.8% e numrit të raportuar.

Sipas Institutit GAP, kjo diferencë krijon barrë shtesë për buxhetin komunal, pasi pagat e stafit që nuk mbulohen nga granti i arsimit duhet të financohen nga burime të tjera.

Për Gjakovën, GAP vlerëson se shuma që duhet të mbulohet nga komuna jashtë grantit të arsimit arrin në rreth 2.31 milionë euro.