Drejtoria e Arsimit në Prishtinë merr vendim: Flamuri i UÇK-së do të vendoset në hyrjet e shkollave

Drejtori i Arsimit në Prishtinë, Arianit Elshani, ka njoftuar se u ka kërkuar zyrtarisht të gjitha shkollave të Kryeqytetit që, krahas flamurit të Republikës së Kosovës, në hyrjet e institucioneve shkollore të vendoset edhe flamuri i Ushtrisë Çlirimtare të Kosovës (UÇK), shkruan AlbanianEducation.

Elshani ka bërë të ditur këtë përmes një postimi në rrjetet sociale, ku ka shkruar se kërkesa është bërë sot, në cilësinë e Drejtorit të Arsimit.

“Sot, si Drejtor i Arsimit, kam kërkuar zyrtarisht nga të gjitha shkollat e Kryeqytetit që, krahas flamurit të Republikës së Kosovës, në hyrjet e tyre të vendoset edhe flamuri i Ushtrisë Çlirimtare të Kosovës”, ka shkruar Elshani.