- Advertisement5 -
Drejtoresha e shkollës “Bislim Imeri” në Kçiq të Madh, Mr.sc. Ardita Brahimi Idrizi, ka uruar nxënësit, prindërit dhe mësimdhënësit për fillimin e vitit të ri shkollor 2026/2027.
- paragrafi 1 -
Në mesazhin e saj, ajo ka theksuar rëndësinë e dijes, pyetjeve dhe zhvillimit të potencialit të çdo nxënësi.
- Advertisement - M1
Brahimi Idrizi u ka bërë thirrje nxënësve të mos kenë frikë nga gabimet dhe të besojnë në aftësitë e tyre, duke nënvizuar se shkolla duhet t’i përgatisë ata jo vetëm për teste, por edhe për jetën.
Ajo ka uruar që viti i ri shkollor të jetë i mbushur me dije, respekt, sukses, inovacion dhe bashkëpunim.
- Advertisement - m2
Postimi i saj i plotë:
NJOFTIM PËR VITIN SHKOLLOR 2026/2027
SHMU “BISLIM IMERI” – KÇIQ I MADHTë nderuar prindër, nxënës dhe mësimdhënës,
Ju njoftojmë se viti shkollor 2026/2027 fillon më 1 shtator 2026.
GJYSMËVJETORI I PARË
1 shtator 2026 – 24 dhjetor 2026 GJYSMËVJETORI I DYTË Fillon më 11 janar 2027 dhe vazhdon deri në përfundimin e vitit mësimor.
PUSHIMET SHKOLLORE
Pushimi vjeshtor:28 – 30 tetor 2026
Pushimi dimëror:28 dhjetor 2026 – 8 janar 2027
Pushimi pranveror:5 – 8 prill 2027
DITËT E PUSHIMIT ZYRTAR
30 nëntor 2026 – pushim për Ditën e Shqiptarëve / 28 Nëntorin
25 dhjetor 2026 – Krishtlindjet Katolike 17 shkurt 2027 – Dita e Pavarësisë së Republikës së Kosovës
9 mars 2027 – Fitër Bajrami
29 mars 2027 – Pashkët Katolike 9 prill 2027 – Dita e Kushtetutës së Republikës së Kosovës
3 maj 2027 – Dita Ndërkombëtare e Punës 4 maj 2027 – Pashkët Ortodokse
10 maj 2027 – Dita e Evropës 17 maj 2027 – Kurban Bajrami
14 qershor 2027 – Dita e Paqes
PËRFUNDIMI I VITIT MËSIMOR
Klasa e IX-të:9 qershor 2027
Klasat I–VIII:23 qershor 2027
Klasa parafillore:23 qershor 2027
Për klasat I–VIII janë të parapara 184 ditë mësimi / 37 javë, ndërsa për klasën e IX-të 175 ditë mësimi / 35 javë. (shfmu.com)
Të dashur nxënës, ju urojmë një vit të ri shkollor të mbushur me dije, suksese, miqësi dhe ëndrra të reja!Prindërve u shprehim mirënjohjen tonë për bashkëpunimin dhe mbështetjen e vazhdueshme, ndërsa mësimdhënësve përkushtim dhe suksese në misionin e tyre të shenjtë – arsimimin dhe edukimin e brezave të rinj.
NJË MESAZH PËR NXËNËSITMos kini frikë të gaboni.
Gabimi është pjesë e të nxënit.
Mos kini frikë të pyesni.
Pyetja është fillimi i dijes.
Mos dyshoni në veten tuaj.
Secili prej jush ka një potencial që meriton të zhvillohet.
Ne nuk duam vetëm të përgatisim nxënës për një test.
Duam të përgatisim fëmijë për jetën.
Sepse shkolla nuk ndërton vetëm të ardhmen e nxënësve; ajo ndërton të ardhmen e shoqërisë.Le ta bëjmë vitin 2026/2027 një vit të dijes, respektit, suksesit, inovacionit dhe bashkëpunimit!
Mirë se vini në vitin shkollor 2026/2027!
SHFMU “BISLIM IMERI” – KÇIQ I MADH30.08.2026
Mr.sc.Ardita Brahimi Idrizi
