Një tjetër sukses i një të reje nga fshati Ratkoc i Rahovecit është bërë shkak për krenari në komunitetin lokal.
Bleona Rexhë Morina ka përfunduar studimet gjashtëvjeçare në Universitetin Shtetëror të Maqedonisë së Veriut, duke u diplomuar me titullin Doktoreshë e Mjekësisë së Përgjithshme, shkruan AlbanianEducation.net.
Sipas njoftimit të komunitetit të Ratkocit, Bleona është vajza e mjekut Rexh Morina, i cili gjatë luftës në Kosovë ka shërbyer si mjek ushtarak dhe më pas ka vazhduar veprimtarinë e tij në shërbim të pacientëve.
Në njoftim theksohet se Bleona, e lindur dhe e rritur në Ratkoc, tashmë po nis një kapitull të ri profesional në fushën e mjekësisë, duke vazhduar edhe një traditë familjare në këtë profesion.
Komuniteti i fshatit Ratkoc e ka uruar Bleonën për arritjen, duke shprehur besimin se ajo do t’i shërbejë komunitetit me përkushtim dhe profesionalizëm.
