Nxënësja Anea Gashi ka shënuar një tjetër sukses të rëndësishëm, duke fituar në garat kombëtare të gjuhës dhe letërsisë angleze, të organizuara nga organizata SiL në bashkëpunim me Universitetin e Oxfordit në Angli, shkruan AlbanianEducation.net.
Falë këtij rezultati, Anea Gashi do të përfaqësojë Kosovën në garat ndërkombëtare që do të zhvillohen në Oxford të Anglisë, duke u bërë pjesë e një gare prestigjioze në fushën e gjuhës dhe letërsisë angleze.
Kjo arritje përbën një tjetër sukses për nxënësen kosovare, e cila përmes rezultateve të saj po dëshmon përkushtimin dhe nivelin e lartë të përgatitjes në garat akademike.
Pjesëmarrja e saj në garat ndërkombëtare në Oxford pritet të jetë një mundësi e rëndësishme për të përfaqësuar Kosovën dhe për të dëshmuar talentin e saj në arenën ndërkombëtare.
