Adelina Emini ka nisur sot angazhimin e saj të ri profesional si profesoreshë në Fakultetin e Ekonomisë të Universitetit të Prishtinës, shkruan AlbanianEducation.net
Ajo përmes një njoftimi në rrjetet sociale, ka bërë të ditur se fillimi i vitit të ri akademik shënon për të edhe nisjen e një kapitulli të ri në karrierën profesionale.
Ajo ka shprehur kënaqësinë për mundësinë që të kontribuojë në edukimin dhe formimin e gjeneratave të reja, duke theksuar se këtë përgjegjësi e sheh edhe si një mundësi për të ndarë me studentët dijen dhe përvojën e saj.
“Një vit i ri akademik. Një kapitull i ri. Një përgjegjësi e re”, ka shkruar Emini.
Me rastin e nisjes së punës, ajo u ka uruar studentëve kuriozitet për të mësuar, guxim për të sfiduar veten dhe sukses në çdo hap të rrugëtimit të tyre akademik.
